ڈپٹی کمشنر وقاص رشید نے یونین کونسل سیکرٹریز کے اجلاس سے خطاب کیا
ڈیرہ غازیخان (محمد فیض سٹی رپورٹر)ڈپٹی کمشنر وقاص رشید نے یونین کونسل سیکرٹریز کے اجلاس سے خطاب کیا ڈیرہ غازی خان شہر کی 17 یونین کونسلوں میں ون ٹائم صفائی کی جائے گی جس کے لیے یونین کونسل کے سیکرٹریز کو خصوصی ٹاسک دے دیا گیا ہے ڈپٹی کمشنر ڈیرہ غازی خان
وقاص رشید نے اجلاس منعقد کرکے ہدایات جاری کیں ڈپٹی کمشنر نے کہا کہ سیکریٹریزاپنے علاقہ میں صفائی کے ساتھ مسائل کے حل کے لئے قابل عمل تجاویز بھی دیں۔ سیوریج پائپ لائن کی بندش اور بوریاں ڈالنے والے عناصر پر بھی نظر رکھی جائے تاکہ ان کے خلاف سخت کارروائی
عمل میں لائی جا سکے ڈپٹی کمشنر نے کہا کہ یونین کونسل سیکرٹریز محکمہ لوکل گورنمنٹ کے فعال ممبرز ہیں ڈیرہ غازی خان شہر کی صفائی کےلئے خصوصی مہم چلانے کی ضرورت ہے ڈپٹی کمشنر نے کہا کہ یونین کونسل سیکریٹریزگلی محلوں میں کام کرنے والے نجی عملہ کے ساتھ قریبی رابطہ رکھیں تاکہ منصوبہ بندی کر کے صفائی کے عمل کو مزید بہتر کیا جا سکے
ڈپٹی کمشنر نے کہا کہ سیکرٹری یونین کونسل اپنے علاقے میں کچرا ، کباڑ جوہڑ اور دیگر مسائل کی نشاندہی کریں اور ان کے حل کے لیے تجویز بھی دیں تاکہ مشینری اور دیگر آلات استعمال کرکے صفائی بہتر کی جاسکے