بھارت میں بڑی تحریک کا آغاز ہو چکا وزیر اعظم
وزیراعظم عمران خان نے پڑوسی ملک بھارت کی حکمران جماعت کو تنقید کا نشانہ بناتے ہوئے کہا ہے کہ شہریت کے متنازع قانون کے بعد بھارت میں بڑی تحریک کا آغاز ہو چکا ہے۔
سوشل میڈیا پر جاری اپنے بیان میں وزیراعظم عمران خان نے کہا کہ گزشتہ پانچ برس سے بھارت ہندو راشٹریا اور ہندو توا بالا دستی کے فسطائی نظریے کی جانب بڑھ رہا ہے
Over the last 5 years of Modi's govt, India has been moving towards Hindu Rashtra with its Hindutva Supremacist fascist ideology. Now with the Citizens Amendment Act, all those Indians who want a pluralist India are beginning to protest & it is becoming a mass movement.
— Imran Khan (@ImranKhanPTI) December 21, 2019
بھارت میں شہریت کے متنازع قانون کا حوالہ دیتے ہوئے وزیراعظم نے کہا کہ متنازع قانون کے بعد بھارت میں بڑی تحریک کا آغاز ہو چکا ہے اور اجتماعیت پر یقین رکھنے والے بھارتی سراپا احتجاج ہیں۔
مقبوضہ کشمیر کی صورت حال پر وزیراعظم نے لکھا کہ بھارتی افواج کی جانب سے مقبوضہ کشمیر کا محاصرہ جاری ہے، محاصرہ ختم ہونے پر مقبوضہ کشمیر میں خونریزی کا خدشہ ہے۔
At the same time the siege by Indian Occupation forces in IOJK continues & a bloodbath can be expected when it is lifted. As these protests are increasing, threat to Pak from India is also increasing. Indian Army Chief's statement adds to our concerns of a False Flag ooperation
— Imran Khan (@ImranKhanPTI) December 21, 2019
انہوں نے کہا کہ بھارت میں بھی احتجاج میں شدت آ رہی ہے، بھارت کی جانب سے پاکستان پر خطرے میں بھی شدت آ رہی ہے۔
وزیراعظم نے اپنے بیان میں لکھا کہ بھارتی آرمی چیف کے بیان سے ہماری تشویش میں اضافہ ہو رہا ہے اور جعلی آپریشن کے حوالے سے تشویش بڑھ رہی ہے۔
I have been warning the int community of this for some time & am reiterating again: if India does such an operation to divert attention from its domestic chaos plus whip up war hysteria to mobilise Hindu nationalism, Pak will have no option but to give a befitting response.
— Imran Khan (@ImranKhanPTI) December 21, 2019
عمران خان نے ایک بار پھر بین الاقوامی برادری کو انتباہ کرتے ہوئے کہا کہ بھارت اپنے اندرونی حالات سے توجہ ہٹانے کے لیے جعلی آپریشن کرنا چاہتا ہے اور ہندو قومیت کو پروان چڑھانے کے لیے جنگی جنون میں اضافہ چاہتا ہے۔
وزیراعظم پاکستان نے کہا کہ بھارت نے ایسا کیا تو پاکستان کے پاس مناسب جواب دینے کے سوا کوئی آپشن نہیں بچے گا۔