کورونا وائرس کسی بھی سطح پر کتنے دن زندہ رہ سکتا ہے؟ نئی حیران کن تحقیق
بین الاقوامی (نمائندد خصوصی)نئی تحقیق میں یہ بات سامنے آئی ہے کہ کورونا وائرس کسی بھی سطح پر 17 دن تک زندہ رہ سکتا ہے اور انسانوں میں منتقل ہوسکتا ہے۔
امریکی سینٹر آف ڈیزیز کنٹرول اینڈ پری ونشن کی نئی رپورٹ کے مطابق کورونا وائرس کسی بھی سطح پر 17 دن تک زندہ رہ سکتا ہے۔
امریکی سینٹر آف ڈیزیز کنٹرول اینڈ پری ونشن نے کورونا وائرس سے متاثرہ دو بحری جہازوں ڈائمنڈ پرنسز اور گرانڈ پرنسز میں وائرس کے پھیلاؤ پر تحقیق کی۔
تحقیق میں دونوں بحری جہازوں کے کیبنز کے خالی ہونے کے17 دن بعد بھی وائرس کی موجودگی ظاہر ہوئی۔
ڈائمنڈ پرنسز اور گرانڈ پرنسز میں کوروناوائرس کے 800سےزائد کیسز اور 10اموات رپورٹ ہوئی تھیں۔
کووڈ-19 (کورونا وائرس) کے پھیلاؤ سے کیسے بچا جائے؟
1۔ بیمار لوگوں کے قریب یا انہیں چھونے سے گریز کریں۔
2۔ اپنی آنکھوں، ناک اور منہ کو نہ چھوئیں۔
3۔ اگر آپ بیمار ہیں تو گھر سے باہر ہرگز نہ نکلیں۔
4۔ کھانسی اور چھینکتے وقت منہ کو ٹشو سے ڈھکیں اور اسے فوراً پھینک دیں۔
5۔ گھر کی ایسی جگہیں جہاں سب سے زیادہ ہاتھ لگتے ہوں تو انہیں جراثیم کش اسپرے کی مدد سے فوراً صاف کریں۔
دنیا بھر میں کورونا کی صورتحال
واضح رہے کہ گذشتہ سال کے آخر میں چین سے پھیلنے والی کورونا وائرس کی وبا 160 سے زائد ممالک میں پھیل چکی ہے جس سے متاثر ہونے والے افراد کی تعداد 3 لاکھ 95 ہزار سے تجاوز کرچکی ہے جب کہ اس سے 17 ہزار سے زائد افراد ہلاک ہوچکے ہیں۔