چولستانی تحصیل یزمان میں دفعہ144کی خلاف ورزی جاری،
بہاول پور(ایم اقبال انجم سٹی رپورٹر)چولستانی تحصیل یزمان میں دفعہ144کی خلاف ورزی جاری،لاک ڈاون کے دوران گھروں مقید شہری بھوک کی وجہ سے سڑکوں پر آگئے کسی سیاستدان یااین جی اوزاور حکومتی ادارے نے ڈیلی ویجزاورکرایہ داروں کے گھروں میں راشن تک نہ پہنچایا
جس کی وجہ سے لوگ گھروں سے باہر نکلنے پر مجبور ہوگئے،ادھریزمان کے داخلی اور خارجی راستوں پر تعینات پاک آرمی نے سڑکوں پر آنے والے لوگوں کو کرونا وائرس کے بارے میں آگاہ کیا اور منت کی کہ آپ لوگ گھروں مین رہیں گھروں سے باہر نہ نکلیں،اس موقع پر شہریوں کی کثیرتعداد نے روتے ہوئے کہا
کہ ہم جائیں تو کہاں جائیں باہرکرونا وائرس ہے تو گھروں میں بھوک ہے،دونوں طرف سے موت ہماری طرف پلٹ رہی ہے اگرگھروں میں بیٹھتے ہیں تو بچے بھوک سے بلکتے سے ہیں ان کو روٹی کہاں سے دیں،باہرجاتے ہیں تو کرونا وئرس ہے،،جس پر پاک آرمی کے جوانوں کے بھی آنکھوں میں آنسو آگئے،،