تھانہ خان کوٹ کے حدود میں 15سالہ محبوب علی لہڑی کے قتل کے واقع کا مرکزی ملزم گرفتار
قصور(مقصود انجم کمبوہ بیوروچیف )گزشتہ دنوں تھانہ خان کوٹ کے حدود میں 15سالہ محبوب علی لہڑی کے قتل کے واقع کا مرکزی ملزم گرفتار ۔ ملزم سیف اللہ اور عبدالواسیع لہڑی نے گھریلو ناچاقی پر محبوب علی لہڑی کوگلہ گھونٹ کر اور چھرے سے وار کرکے قتل کر دیا تھا ۔ ڈی آئی جی پولیس نصیر آباد شہاب عظیم لہڑی
تفصیلات کے مطابق ضلع نصیر آباد کے تھانہ خان کوٹ کے حدود میں گزشتہ دنوں قتل کا ایک الم ناک واقع پیش آیا جس میں ملزمان نے گلہ گھونٹ کر اور چھرے سے وار کرکے 15سالہ محبوب
علی لہڑی کو بےییدردی سے قتل کرکے فرار ہو گئے تھے ۔ واقع کے بعدایس ایس پی نصیر آباد عرفان بشیر کی نگرانی میں ڈی ایس پی تمبو ارشاد علی گولہ اور ایس ایچ او خان کوٹ محمد خان حسنی نے پولیس ٹیم کے ساتھ کاروائی کرتے ہوئے شواہد اکھٹے کئے اور ملزمان کی تلاش شروع کر دی
اور واقع کے مرکزی ملزم سیف اللہ اور عبدالواسیع لہڑی کو گرفتار کر لیا ۔ گرفتار ملزمان سے مزید تفتیش جاری ہے اور مزید گرفتاریاں بھی متوقع ہیں ۔ اس موقع پر ڈی آئی جی پولیس نصیر آباد شہاب عظیم لہڑی کا مزید کہنا تھا کہ کوئی بھی شخص قانون سے بالا تر نہیں ۔
واقع کے بعد ملزمان کی گرفتاری کے لئے سخت احکامات جاری کی گئی تھی جس کے پیش نظر پولیس ٹیم نے شب و روز محنت کرکے ملزمان کو گرفتار کر لیا ۔