مہمند،حلیمزی شانی خیل میں کرنٹ لگنے سے نوجوان مزدور جا ن بحق

مہمند،حلیمزی شانی خیل میں کرنٹ لگنے سے نوجوان مزدور جا ن بحق

مہمند(افضل صافی سٹی رپورٹر)مہمند،حلیمزی شانی خیل میں کرنٹ لگنے سے نوجوان مزدور جا ن بحق۔تفصیلات کے مطابق قبائیلی ضلع مہمندتحصیل حلیمزئی شانی خیل میں زیر تعمیر مکان میں مزدوری کرتے ہوئے 20 سالہ نوجوان نوید خان عمر سکنہ یوسف خیل کمرے کی چھت پر کام کر رہا تھا

کہ اوپر سے بجلی کی لائن سے جھٹکا لگا جس سے موقعہ پر جان بحق ہوا۔ بتایا جاتا ہے کہ نویدخان کا والد ڈرائیور تھا کہ شوگر کی بیماری سے اندھا ہوکر بے روزگار ہوا۔ اس کے بعد اپنے غریب گھرانے کا پیٹ پالنے کے لئے نوید خان نے تعلیم چھوڑ کر مزدوری شروع کی۔ مگر بدقسمتی جوان عمری

میں دوران مزدوری زندگی سے ہاتھ دھو بیٹھا۔ اس حادثاتی موت پر پورے علاقے کا ماحول سوگوار ہوگیا۔ منگل کے روز انہیں سینکڑوں اشکبار آنکھوں کے ساتھ سپردخاک کردیا گیا۔ علاقے کے عوام نے حکومت اور صاحب استطاعت لوگوں سے غمزدہ غریب گھرانے کے ساتھ مالی مدد کرنے کی اپیل کیا ہے۔