کنٹرولر اوزان و پیمائش پنجاب مظفر انصاری نے جے کے شوگر ملز کا اچانک معائنہ کرکے گنے کی خریداری کے عمل کا جائزہ لیا
خانیوال (سعید احمد بھٹی) کنٹرولر اوزان و پیمائش پنجاب مظفر انصاری نے جے کے شوگر ملز کا اچانک معائنہ کرکے گنے کی خریداری کے عمل کا جائزہ لیا- انہوں نے ملز انتظامیہ کو کاشتکاروں کو ادائیگیاں ہر صورت مقررہ وقت کے اندر کرنے کی ہدایت کی- ڈسٹرکٹ آفیسر بلال احمد مارتھ بھی اس موقع پر ان کے ہمراہ تھے
-کنٹرولر اوزان وپیمائش نے دورہ کے دوران ملز میں لگائے گئے کنڈہ پر لوڈ ٹرالیوں کا وزن اور گنے کی آمد کا ریکارڈ بھی چیک کیا-انہوں نے اس موقع پر کہا حکومت پنجاب کسی کو کاشتکاروں کے استحصال کی اجازت نہیں دیگی شوگر ملز انتظامیہ ناجائز کٹوتیوں سے بھی گریز کرے کسی خلاف ورزی کی صورت میں سخت ایکشن لیا جائے گا-
انہوں نے ڈسٹرکٹ آفیسر بلال احمد مارتھ کو پٹرول پمپس پر پیمانوں کی بھی باقاعدگی کیساتھ چیکنگ کا حکم دیتے ہوئے کہا کہ پیمانوں میں ہیرا پھیری کرنے والے پٹرول پمپ مالکان کیخلاف مقدمات کا اندارج کرایا جائے-