اوورسیز پاکستانی آج بھی مسائل کے گرداب میں پھنسے ہوئے ہیں،کیپٹن عاصم ملک
دبئی(خصوصی رپورٹ) ممتاز پاکستانی راہنما اور سمندپار پاکستانیوں کے ترجمان کیپٹن عاصم ملک نے کہا ہے کہ اوورسیزپاکستانی آج بھی کسی مسیحا کے منتظر ہیں، پی ٹی آئی کی حکومت بننے کے بعد اوورسیز پاکستانیوں کو امید ہوچلی تھی کہ اب انکے مسائل حل ہوجائیں گے اور وہ سکون سے کام کرکے پاکستان زرمبادلہ بھیجیں گے
لیکن اوورسیز پاکستانیوں کی یہ امید ابھی تک بر نہیں آرہی اور وہ اسی طرح مسائل کے گرداب میں پھنسے ہوئے ہیں، انہوں نے کہا کہ میں کیپٹن عاصم ملک وزیراعظم عمران خان سے یہ مطالبہ کرتا ہوں کہ انکی کامیابی میں کلیدی کردار ادا کرنے والے اوورسیز پاکستانیوں کو نظرانداز نا کریں اور انکے مسائل پر خصوصی توجہ دیکر انکو حل کریں تاکہ ان میں پھیلی مایوسی خوشی میں تبدیل ہوجائے