نئے سال کے لیے لائی گئی دیسی شراب کی بھاری کھیپ دوملزمان سے برآمد
لیاقت پور(محمد ظفر اقبال لبانہ) نئے سال کے لیے لائی گئی دیسی شراب کی بھاری کھیپ دوملزمان سے برآمد تفصیلات کے مطابق ڈی ایس پی لیاقت پور محمد اسلم خان نے ایس ایچ او تھانہ سٹی لیاقت پور نوید نواز واہلہ اورانچارج چوکی اللہ آباد رانا شفقت کے ہمراہ پریس کانفرنس کرتے ہوئے بتایا کہ پولیس کو اطلاع ملی کہ موضع گھمی کے دو بھائی محمد صفدر اور محمد اکبر اقوام نائچ نئے سال کی آمد پر منچلوں کی عیاشی کے لیے دیسی شراب کی بڑی کھیپ لے کر آ رہے ہیں
پولیس چوکی اللہ آباد نے ناکہ لگا کر ملزمان کو گرفتار کرکے ان کے قبضہ سےبوریوں میں موجود 580 بوتل دیسی شراب برآمد کر لی ڈی ایس پی نے بتایا کہ محمد صفدر پہلے بھی منشیات کے 8 مقدمات میں ملوث ہے انہوں نے کہا کہ جرائم اور منشیات کے خلاف مہم جاری رہےگی ناقص زہریلی شراب فروخت کرنے والے سماج دشمن عناصر کے گردگھیرا مزید تنگ کیا جارہا ہے تاکہ زہریلی شراب کے استعمال سے ہونے والے نقصانات سے لوگوں کو بچایا جا سکے
