بھارت کا پاکستان میں سرجیکل سٹرائیک کا خواب اسکا خواب ہی رہ جائے گا، کیپٹن عاصم ملک
دبئی(بیورورپورٹ) بھارت جاگتی آنکھوں سے خواب دیکھنا چھوڑ دے، پاک فوج بھارت کی ہر بری حرکت پر نظر رکھے ہوئے ہے، مودی کسی بھی جھوٹی سرجیکل اسٹرائیک سے اپنی عوام کو بے وقوف نہیں بناسکتا، یہ باتیں اوورسیز پاکستانیوں کے ترجمان کیپٹن عاصم ملک نے این بیان میں کیں، انکا کہنا تھا کہ بھارت کا پاکستان میں سرجیکل سٹرائیک کا خواب اسکا خواب ہی رہ جائے گا،ہمیشہ جھوٹی سرجیکل سٹرائیک کی ویڈیو بنا کر اپنے عوام کو بیوقوف بنانے والا بھارت پاکستان کی طرف میلی آنکھ سے نہیں دیکھ سکتا،کیونکہ پاک فوج ان کی تمام ناپاک حرکتوں پر نظر رکھے ہوئے ہے،
کیپٹن عاصم ملک نے کہا کہ بھارت نے اگر بھول کر بھی چھوٹی سی غلطی کی تو اس کا خمیازہ اس کی آنے والی نسلیں ہزاروں سال تک بھگتیں گی،آج ٹیکنالوجی کا جدید دور ہے بھارت جھوٹے سرجیکل اسٹرائیکس کے ڈرامہ رچا کر اپنی عوام اور دنیا کو زیادہ دیر تک بے وقوف نہیں بنا سکتا، پاکستانی حکومت اور پاک فوج صبر و تحمل سے تمام پہلووں پر نظر رکھے ہوئے ہیں اور بھارت کی کسی بھی جارحیت کا منہ توڑ جواب دینے کے لیے تیار بیٹھے ہیں
