بجلی کے ملک گیر بریک ڈاؤن سے لاہور میں اورنج لائن میٹروٹرین کی سروس بھی متاثر ہوئی ہے۔

انچارج اورنج لائن ٹرین عزیر شاہ کے مطابق بجلی کے بریک ڈاؤن کے باعث ٹرین ساڑھے 4 گھنٹے بند رہی ہے۔

 عزیر شاہ کے مطابق اورنج لائن بجلی سےچلتی ہے اور آج صبح 10بجےکے بعد بجلی بحال ہونے پر ٹرین چلائی گئی، اب 3 گرڈ اسٹیشن چل رہے ہیں لوگ معمول کےمطابق سفر کر رہے ہیں۔

خیال رہے کہ گزشتہ رات ملک بھر میں بجلی کا بڑا بریک ڈاؤن ہو گیا تھا جس کے باعث کراچی سے لے کر  پشاور تک پورا ملک تاریکی میں ڈوب گیا تھا اور مختلف شہروں کی بجلی تاحال بحال نہیں ہو سکی ہے۔