پولیس تھانہ صدر نے اندھے قتل کا سراغ لگا لیا ۔بیوی ہی اپنے خاوند کی قاتلہ نکلی
خانیوال (سعید احمد بھٹی) پولیس تھانہ صدر نے اندھے قتل کا سراغ لگا لیا ۔بیوی ہی اپنے خاوند کی قاتلہ نکلی ۔آشنا کے ساتھ ملکر خاوند کا گلا کاٹا۔تفصیل کے مطابق ایک ماہ قبل کبیروالا کے نواحی علاقے 5 کسی کے رہائشی محمد طلحہ کو رات کے وقت نامعلوم افراد نے تیز دھار آلے سے اسکا گلا کاٹ کر موت کے گھاٹ اتار دیا تھا اور ملزموں کا کوئی سراغ نہ ملا تھا تھانہ صدر پولیس کبیروالا نے تفتیش کا دائرہ وسیع کرتے ہوئے
مقتول کی بیوی فروا کو شامل تفتیش کیا جس نے گزشتہ روز اپنے خاوند کے قتل کا اعتراف کرتے ہوئے بتایا کہ اس کے قریبی علاقے جمیس آباد کے رہائشی محمد عمران کے ساتھ تعلقات تھے اور ہم دونوں نے قتل کا منصوبہ بنایا تھا رات سوئے اپنے خاوند کو تیز دھار آلے سے اسکا گلا کاٹ کر موت کے گھاٹ اتار دیا تھا ۔ چنانچہ پولیس نے مقتول کی بیوی کے آشنا عمران کو بھی گرفتار کر لیا ہے
