شہیدوں اور غازیوں کی سرزمین تحصیل گوجرخان کا ایک اور جوان اپنے وطن پر قربان
دولتالہ (نامہ نگار)شہیدوں اور غازیوں کی سرزمین تحصیل گوجرخان کا ایک اور جوان اپنے وطن پر قربان،دہشت گردوں نے جنوبی وزیرستان مکین میں فورسزکی چیک پوسٹ پرفائرنگ کی جس کے نتیجے میں 4 جوان شہید ہوگئے،شہید عاطف جہانگیر کا تعلق گوجرخان کے نواحی گاؤں ڈھوک کاکودیوی داتا ہے تفصیلات کے مطابق گزشتہ روز جنوبی وزیرستان میں دہشت گردوں کی فورسزکی چیک پوسٹ پر فائرنگ سے 4 جوان شہید ہوگئے،
شہداء میں لانس نائیک عمران علی، سپاہی عاطف جہانگیر، سپاہی انیس الرحمان اورسپاہی عزیز شامل ہیں،عاطف جہانگیر شہید کا کا تعلق تحصیل گوجرخان تھانہ جاتلی کے نواحی گاؤں ڈھوک کاکودیوی داتا سے ہے، عاطف جہانگیر 22 دن پہلے وزیرستان تعینات ہوا تھا،شہید کے والد چوہدری جہانگیرکا کہنا تھا کہ عاطف کی اسی مہینے شادی کی تیاری تھی، جوان بیٹے کی شہادت پر فخر ہے جنوبی وزیرستان فوجی چیک پوسٹ پر دہشتگردوں کے حملے میں شہید ہونے والا جوان عاطف جہانگیر فوجی اعزاز کے ساتھ آبائی گاؤں میں سپردخاک نماز جنازہ پیر آف سروبا شریف نے
پڑھایا جنازہ میں ایم پی اے پی پی 9 چوہدری ساجد محمود،امیدوار برائے صوبائی اسمبلی راجہ حمید ایڈووکیٹ،ضلعی امیر تحرک لبیک پاکستان حاجی محمد رمضان چشتی، امیرپی پی 9 راجہ اشتیاق رضوی،سابق چئیرمین یوسی دیوی راجہ شبیر، راجہ شیر افضل، سیٹھ محمد اکرم، صوبیدار(ر) وحید احمد، عدیل احمد شانی سمیت اہل کی سیاسی و سماجی شخصیات سمیت ایک کثیر تعداد موجود تھی شہید کو پاک فوج کے چاک و چوبند دستے نے سلامی پیش کی اور چیف آف آرمی اسٹاف کی جانب سے شہید کی قبر پر پھولوں کی چادر چڑھائی اور فاتحہ خوانی کی
