راولپنڈی ٹریفک پولیس میں اچھی کارکردگی کے حامل ٹریفک وارڈنز کی حوصلہ افزائی کے لیے انعامات
راولپنڈی: (راجہ فرقان احمد) چیف ٹریفک آفیسر راولپنڈی رائے مظہر اقبال نے ٹریفک پولیس میں بہترین کارکردگی دکھانے والے ٹریفک وارڈنز کی حوصلہ افزائی کے لیے ان میں تعریفی سرٹیفیکیٹ اور نقد انعامات تقسیم کیے اس موقع پر چیف ٹریفک آفیسر راولپنڈی رائے مظہر اقبال کا کہنا تھا کہ ٹریفک پولیس میں بہترین کارکردگی کے حامل ٹریفک وارڈنز کی حوصلہ افزائی کے لیے سرٹیفیکیٹ اور انعامات دینے کا سلسلہ جاری رکھا جائے گا
تاکہ ٹریفک وارڈنز پہلے سے زیادہ محنت اور لگن سے اپنے فرائض سر انجام دیں۔ان کا مزیدکہنا تھا کہ ٹریفک وارڈنز کی کارکردگی کو مانیٹر کر کے انھیںسرٹیفیکیٹ اور نقد انعامات سے نوازا جاتا ہے تا کہ ان کی حوصلہ افزائی ہو۔ٹریفک وارڈنز کی اچھی کارکردگی ہی انھیں دوسروں سے ممتاز کرتی ہے اور ان کی فرض شناسی ،دیانتداری اور ایمانداری محکمہ پولیس کے تشخص اوروقار کو بحال کرتی ہے۔