پولیس لائن خانیوال میں کنسٹیبلز بھرتی کے فزیکل ٹیسٹ کا عمل جاری ہے ،ڈی آئی جی سلیمان سلطان رانا
خانیوال (سعید احمد بھٹی) پولیس لائن خانیوال میں کنسٹیبلز بھرتی کے فزیکل ٹیسٹ کا عمل جاری ہے اس سلسلہ میں چیئرمین بورڈڈی آئی جی سلیمان سلطان رانا نے سیکرٹری بورڈ ڈی پی او محمدعلی وسیم اور ممبر بورڈ ایس پی بابرجاوید جوئیہ کے ہمراہ بھرتی ہونے والے امیدواران کی قد اور چھاتی کی پیمائش کا معائنہ کیا۔اس موقع پر ڈی آئی جی سلیمان سلطان رانا نے خطاب کرتے ہوئے کہاکہ بھرتی کا عمل صاف اور شفاف طریقہ سے جاری وساری ہے
جس کے لیے امیدواران کی کسی قسم کی سفارش کرنے یا رشوت دینے کی ضرورت نہیں ہے۔ڈی پی اومحمدعلی وسیم نے کہاکہ پہلے دن میرٹ کی بنیادپر کم بیش 5030امیدواران کی قداورچھاتی کی پیمائش کی گئی اس دوران ماسک کے استعمال اورسماجی فاصلے کو یقینی بنایاگیا۔ انہوں نے کہاکہ امیدواران اپنی محنت اورقابلیت سے فزیکل ٹیسٹ کو پاس کریں اورہرگزسفارش اوررشوت کا راستہ اختیارنہ کریں۔ایس پی بابرجاوید نے کہاکہ
کسی بھی امیدوار کیساتھ بھرتی کے معاملہ میں کوئی ناانصافی نہیں ہوگی اوراگر کوئی شخص یا اہلکار کسی امیدوار سے اس بھرتی کے لیے رشوت طلب کرے تو اس امیدوار کو چاہیے کہ فوری طور پرڈی پی او خانیوال کے نوٹس میں لائیں تاکہ ان کیخلاف سخت کاروائی عمل میں لائی جاسکے