پی این سی اے میں پتلی تماشہ بچوں کو تفریح کے ساتھ سماجی مسائل اور بیماریوں پر آگاہی دی گئی
اسلام آباد: (راجہ فرقان احمد) پاکستان نیشنل کونسل آف دی آرٹس نے کووڈ – 19کی وجہ سے منقطع بچوں کے پسندیدہ پتلی تماشہ کو دوبارہ پی این سی اے آڈیٹوریم میں پیش کرنے کا آغاز کر دیا گیا ہے- اس سلسلے میں 25 فروری کو پتلی تماشہ پیش کیا گیا- جس میں بچوں کو مختلف کہانیوں اور خاکوں کے ذریعے تفریح کے ساتھ ساتھ معتدی بیماریوں خصوصا کووڈ- 19 سے بچاؤ کی تعلیم دی گئی ہے- پی این سی اے کا پتلی گھر بچوں کو ان کہانیوں کے ذریعے تعلیم،
صحت، ماحولیات اور بھائی چارے کی اہمیت اور فوائد سے آگاہی بھی فراہم کرتا ہے – آج کے شو میں بچوں نے ماسک پہنے رکھے- آپس میں سماجی فاصلہ کے اصول پر عمل کیا – بچوں کے ساتھ آئے اساتذہ نے پتلی تماشہ کو بچوں کے لیے ایک مثبت تفریحی عمل قرار دیتے ہوئے کہا کہ یہ ان کی تربیت کا ایک موثر ذریعہ ہے – جسے باقاعدگی سے جاری رہنا چاہیے- پی این سی اے “سنڈے کے سنڈے” کے عنوان سے نیشنل آرٹ گیلری کے سبزہ زار پر آرٹ اینڈ کرافٹ بازار بھی اتوار 28 فروری سے شروع کر رہا ہے-