تھانہ سٹی بی ڈویژن چشتیاں پولیس کی شاندار کاروائی،چوری کی واردات ٹریس،کار چور گرفتار،قبضہ سے چوری شدہ گاڑی ہنڈاسٹی مالیتی18لاکھ برآمد
چشتیاں(تحصیل رپورٹر ابو حمزہ ساجد )تھانہ سٹی بی ڈویژن چشتیاں پولیس کی شاندار کاروائی،چوری کی واردات ٹریس،کار چور گرفتار،قبضہ سے چوری شدہ گاڑی ہنڈاسٹی مالیتی18لاکھ برآمد۔ تفصیلات کے مطابق ڈسٹرکٹ پولیس آفیسر محمدظفر بزدار کی ہدایت پر ضلعی پولیس جرائم پیشہ افراد کے خلاف کامیاب کاروائیوں میں مصروف ہے۔
چند روز قبل علاقہ تھانہ سٹی بی ڈویژن چشتیاں میں کار چوری کی واردات ٹریس کرنے کے لیے ایس ایچ اوتھانہ سٹی بی ڈویژن چشتیاں جواد حیدر کی سربراہی میں سپیشل ٹیم تشکیل دی گئی۔ پولیس ٹیم نے جدید طریقہ تفتیش اور ٹیکنالو جی کی مدد سے ملزم مہران ایوب ولد محمد ایوب طارق سکنہ نزد سولنگی میرج ہال ڈاہرانوالہ کو ٹریس کر کے گرفتار کر لیا۔پولیس نے ملزم کے قبضہ سے چوری شدہ کار ہنڈا سٹی مالیتی 18لاکھ روپے برآمد کر کے اصل مالک کے حوالے کر دی۔
دوران انٹیروگیشن ملزم نے بتلایا کے وہ کار چوری کر کے کراچی فروخت کرنے جا رہا تھاپولیس نے گرفتار کر لیا ملزم چوری کی مختلف وارداتوں میں ضلع بہاولنگر کے متعدد تھانوں کو مطلوب تھا۔اس موقع پر ڈسٹرکٹ پولیس آفیسرمحمد ظفر بزدار نے پولیس ٹیم کو اس شاندار کاروائی پر شاباش دی۔ ڈی پی او بہاولنگر کا کہنا تھا کہ جرائم پیشہ افراد کے خلاف کریک ڈاؤ ن اسی طرح جاری رہے گا اور عوام کے جان ومال کے تحفظ کو یقینی بنایا جائے گا۔
