حکومت پنجاب کی ہدایت پر تین ہفتوں پر مشتمل”خدمت آپ کی دہلیز پر” پروگرام کے تحت خصوصی ہفتہ صفائی کے پہلے ہفتہ کا آج اختتام ہوگیا
خانیوال (سعید احمد بھٹی) حکومت پنجاب کی ہدایت پر تین ہفتوں پر مشتمل”خدمت آپ کی دہلیز پر” پروگرام کے تحت خصوصی ہفتہ صفائی کے پہلے ہفتہ کا آج اختتام ہوگیا-پہلے ہفتہ کے دوران کارکردگی ایپ پر ملبہ و کچرا اٹھانے, سٹریٹ لائٹس کی مرمت اور وال چاکنگ کے خاتمہ کے لئے ملنے والی شکایات کا فوری ازالہ کیا گیا- پنجاب حکومت کی طرف سے آئندہ ہفتہ کو سیوریج، ڈرینز،مین ہولز اور پبلک ٹائلٹس کی صفائی کے لئے مختص کیا گیا ہے
-خصوصی صفائی سکواڈ،لوڈر سکواڈ، مکینیکل سوئیپرز،ٹریکٹر ٹرالیاں اور واٹر باوزر کی مدد سے کام مکمل کیا گیا-ڈپٹی کمشنر نے کارکردگی ایپ پر آنیوالی شکایات کے سو فیصد ازالے کے لئے ہدایات دے رکھی ہیں-میونسپل کمیٹی خانیوال کی جانب سے آج خانیوال شہر کی تمام اہم سڑکوں کو چمکانے کیساتھ لکڑ منڈی،بلالی محلہ ،چاہ نیازی والا،کوٹ حقنواز سمیت مختلف رہائشی آبادیوں میں کام کیا گیا-دیگر تحصیلوں میں بھی لوکل گورنمنٹس کا صفائی آپریشن جاری رہا-شیڈول میں شامل علاقوں سے تمام ویسٹ،کچرا اور ملبہ اٹھانے کا عمل جاری رہا-
