وزیر اعظم آزادکشمیر کا سردار تنویر الیاس خان سے ٹیلی فون پر تعزیت کی اور کہا کہ سردار صغیر خان کی ناگہانی موت سے آپ کے خاندان اور علاقے کا نقصان تو ہوا
مظفرآباد(بنارس راجپوت)وزیر اعظم آزادکشمیر راجہ محمد فاروق حیدرخان نے سردار تنویر الیاس خان سے ٹیلی فون پر تعزیت کی اور کہا کہ سردار صغیر خان کی ناگہانی موت سے آپ کے خاندان اور علاقے کا نقصان تو ہوا ہی ہے لیکن یہ پوری ریاست کا نقصان ہے۔سردار صغیر خان سے میرا ذاتی تعلق تھا انہوں نے کبھی بھی اپنی عوام کے مفاد سے ہٹ کر بات نہیں کی
ہمیشہ عوام کے مفاد کی بات کی ہے۔وہ ایک کمیٹڈ،شائستہ،سلجھے ہوئے، با اخلاق فرد اور بہترین پارلیمنٹرین تھے۔ایک ہفتہ پہلے وہ میرے چیمبر میں آئے ان سے گفت و شنید ہوئی اور یہ کہہ کر گئے کہ اگلے ہفتے پھر ملاقات ہو گی۔ہمارا جب کبھی اسمبلی میں اختلاف ہوا تو وہ سیشن کی حد تک ہی رہا اس سے باہر ہمارا دوستانہ تعلق رہا ہے
