معروف سائنسدان ڈاکٹر شاہد احمد ، سابقہ ممبر (قدرتی وسائل ) پاکستان زرعی تحقیقاتی کونسل وفات پا گئے
اسلام آباد (فائزہ شاہ کاظمی ) معروف زرعی انجینئر ، سابق ممبر (قدرتی وسائل) پاکستان زرعی تحقیقاتی کونسل (پی اے آر سی) اور آبی وسائل کی منصوبہ بندی اور ترقی کے ماہر ڈاکٹر شاہد احمد ، آج بروز بدھ ، 28 جولائی ، 2021 کو انتقال کرگئے۔ ان کی نماز جنازہ 29 جولائی 2021 کو H-11 قبرستان ، اسلام آباد میں دن ڈیڑھ بجے ادا کی جائے گی۔
ڈاکٹر محمد عظیم خان چیئرمین پاکستان زرعی تحقیقاتی کونسل نے ان کی وفات پر گہرے دکھ اور غم کا اظہار کیا اور اسے پاکستان اور زرعی انجینئروں کا ایک ناقابل تلافی نقصان قرار دیا ، اللہ انھیں جنت الفردوس میں اعلی مقام عطا فرمائے۔ آمین۔