اسلام گڑھ گورنمنٹ ہائی سکول جٹی ڈھیری کی شاندار کامیابی مقابلہ حسن قرات، نعت خوانی اور تقاریر میں پہلی اوردوسری پوزیشن
اسلام گڑھ(نامہ نگار)گورنمنٹ ہائی سکول جٹی ڈھیری کی شاندار کامیابی،ارباز وحید نے مقابلہ حسن قرأت میں حلقہ 2 سے پہلی اور ضلع میرپور سے دوسری پوزیشن حاصل کر لی جبکہ تقایری مقابلے میں فیضان طارق نے حلقہ ایل اے 2 سے پہلی پوزیشن لے کر ادارے اور والدین کا سر فخر سے بلند کر دیا
تفصیلات کے مطابق ڈسٹرکٹ ایجوکیشن آفیسر کے زیر اہتمام ہونے والے مقابلہ حسن قرات، نعت خوانی اور تقاریر میں گورنمنٹ بوائز ہائی سکول جٹی ڈھیری کے طالب علم ارباز وحید نے حسن قرأت میں حلقہ نمبر 2 اسلام گڑھ چکسواری سے اوّل جبکہ ضلعی سطح پر دوسری پوزیشن حاصل کر لی
جبکہ فیضان طارق نےمقابلہ تقاریر میں حلقہ ایل اے 2 سے پہلی پوزیشن حاصل کر کے اپنے اساتذہ اور والدین کا سر فخر سے بلند کر دیا جس پر معززین علاقہ سمیت سیاسی و سماجی شخصیات نے سکول کے جملہ سٹاف اور والدین کو مبارک باد پیش کی اور اس امید کا اظہار کیا کہ آئندہ بھی سکول انتظامیہ اپنی بہتر کارکردگی دکھاتے ہوئے ادارے اور علاقے کا نام روشن کریں گے۔
