اسلام گڑھ میں چوروں کے پھیرے،ایک ہی رات میں 3 دوکانیں لوٹ لی گئیں، دوکاندار لاکھوں کی نقدی اور سامان سے محروم
اسلام گڑھ(نامہ نگار)اسلام گڑھ میں چوروں کے پھیرے،ایک ہی رات میں 3 دوکانیں لوٹ لی گئیں، دوکاندار لاکھوں کی نقدی اور سامان سے محروم،عوام علاقہ میں شدید تشویش،ایس ایس پی میرپور عرفان سلیم سے چوروں کو فوری گرفتار کرکے مال برآمد کروانے اور کڑی سزائیں دینے کا مطالبہ کر دیا۔ تفصیلات کے مطابق پولیس تھانہ اسلام گڑھ کی حدود میں چوروں نے پہلے واقعے میں اسلام گڑھ پلائی موڑ میں جنگنو موبائل شاپ کے تالے اور شیشے رات کی تاریکی توڑ کر میں تقریباً ایک لاکھ 50 ہزار مالیت کے موبائل فون لے اڑے،
دوسرے واقعہ میں محمود آباد سے ظفراقبال کی دوکان کے تالے توڑ کر تقریباً 20 ہزار نقدی اور سامان لوٹ لیا جبکہ تیسرے واقعے میں پلجورہ ٹاؤن میں کشمیر سپر سٹور کے گودام کے تالے توڑ کر چور تقریباً 10 ہزار کا کھانے پینے کا سامان لے اڑے ایک ہی رات میں ہونے والی 3 چوریوں کی وجہ سے عوام علاقہ میں شدید تشویش کی لہر دوڑ گئی ہے انھوں نے ایس ایس پی عرفان سلیم سے مطالبہ کیا ہے کہ فوری چوروں کو گرفتار کر کے ان سے مال مسروقہ برآمد کیا جائے اور انھیں کڑی سے کڑی سزا دی جائے تاکہ اسلام گڑھ میں بڑھتی ہوئی چوریوں میں کمی واقعہ ہو اور لوگ پرسکون نیند سو سکیں۔
