حضورصلی اللہ علیہ وسلم کی حیات طیبہ ہمارے لیے مشعل راہ ہے، کیپٹن عاصم ملک
اسلام آباد\ دبئی(بیورورپورٹ) ممتاز پاکستانی شخصیت اور ترجمان اوورسیز پاکستانیز کیپٹن عاصم ملک نے نبی کریم آقا دو جہاں حضرت محمد صلی اللہ علیہ وسلم کی ولادت باسعادت جشن عید میلاد النبی صلی اللہ علیہ وسلم کے حوالے سے اپنے خیالات کا اظہار کرتے ہوئے کہا ہے کہ خاتم الانبیاء حضرت محمد صلی اللہ علیہ وسلم کی حیات مبارکہ تمام عالم کے لیے مشعلِ راہ ہے،
اللّٰہ کے نبی صلی اللہ علیہ وسلم سے محبت اور ختم نبوت پر ایمان ہمارے ایمان کا لازمی حصہ ہے، نبی پاک صلی اللہ علیہ وسلم کی حیات طیبہ ہمارے لئے مشعلِ راہ ہے نبی پاک صلی اللہ علیہ وسلم کی مبارک ہستی اعلیٰ سیرت اور حسن اخلاق کا اعلیٰ نمونہ ہے، انہوں نے مزید کہا کہ نبی پاک صلی اللہ علیہ وسلم کی حیات طیبہ پر عمل پیرا ہو کر ہم دنیا اور آخرت سنوار سکتے ہیں، تمام مسلمانوں کو جشن میلادالنبی صلی اللہ علیہ وسلم مبارک ہو
