چارسدہ ڈھکی امیر آباد میں پولیس کی کاوشوں سے دشمنی دوستی میں بدل گئی
خیبرپختونخوا(شاہ باباحبیب عارف سے)ڈی ایس پی تنگی محمد اسحاق خان اور ایس ایچ او تھانہ مندنی جوہر شید خان نے دوفریقین کے مابین قتل مقاتلہ کی جاری دیرینہ دشمنی کو دوستی میں بدل دیا۔ فریقین آپس میں بغل گیر ہوۓ تفصیلات کے مطابق ڈی پی او چارسدہ آصف بہادر خان کودرخواست میں دوفریقین کے مابین قتل مقاتلہ کی شکایت موصول ہوئی۔ جس پر ڈی ایس پی تنگی محمد اسحاق خان اور ایس ایچ او تھانہ مندنی جوہر شید خان نے علاقہ عمائدین کی مدد سے فریقین سے ملاقات کی اور دونوں فریقین کو صلح کے لئے راضی کیا۔
اس حوالے سے ڈھکی امیر آباد میں مقامی حجرہ میں جرگہ منعقد ہوا، اس موقع پر فریق اول حضرت اللہ اور فریق دوئم حکم خان کے مابین عرصہ دراز سے جاری قتل مقاتلہ کی دشمنی کوختم کرتے ہوئے دوستی میں بدل دیاگیا۔ فریقین نے جرگہ مشران کے فیصلے کو خندا پیشانی سے قبول کیا اور شیروشکر ہوگئے اہل علاقہ نے مقامی پولیس کا دشمنیوں کے خاتمے کے لئے جاری مہم کو سراہااورپولیس کے اس اقدام پر ڈی پی او چارسدہ آصف بہادر خان کو حراج تحسین پیش کیا۔
