پی ایف یو جے کا صحافیوں کے فون ٹیپ کرنے پر عدالتی تحقیقات کا مطالبہ
اسلام آباد (بیورو رپورٹ)پاکستان فیڈرل یونین آف جرنلسٹس (پی ایف یو جے) نے صحافیوں کے فون ٹیپ کرنے پر عدالتی تحقیقات کا مطالبہ کردیا۔پی ایف یو جے کا کہنا ہے کہ وزیراعظم کے ترجمان شہباز گِل نے اعتراف کیا کہ صحافیوں کی فون کال ٹیپ کی جاتی ہیں، شہباز گِل نے کہا عاصمہ شیرازی کی مریم نواز کو فون کالز حکومت نے ٹریک کی ہیں۔پی ایف یو جے کا کہنا تھا
کہ یہ حکومتی رکن کا اعتراف ہے جو غیر اخلاقی ہے، شہباز گِل کے اس غیر قانونی اقدام کے خلاف ایف آئی آر درج کی جائے۔پی ایف یو جے نے مطالبہ کیا کہ صحافیوں کی فون ٹیپنگ، ٹریکنگ اور مانیٹرنگ کی تحقیقات کیلئے جوڈیشل کمیشن بنایا جائے۔
