بزم بابا فرید الدین مسعود گنج شکر رحمتہ اللہ علیہ ہارون آباد کے زیر اہتمام تیرھویں سالانہ تقریب میلاد منعقد
ہارون آباد (خرم شہزاد ملک سے) بزم بابا فرید الدین مسعود گنج شکر رحمتہ اللہ علیہ ہارون آباد کے زیر اہتمام تیرھویں سالانہ تقریب میلاد ایوارڈ 2021 بلدیہ کمیٹی ہارون آباد کے سبزہ زار میں منعقد ہوئی پروگرام کی نقابت کے عمدہ اور بہترین فرائض محمد افضل بٹ نے ادا کئے اس تقریب میں 12 ربیع الاول جشن عیدمیلادالنبی صلی اللہ علیہ وسلم کے موقع پر شہر کی سجاوٹ لائٹنگ و انتظامات کرنے والے عاشقان رسول کی حوصلہ افزائی کے لئے انعامات تقسیم کئے گئے اور انتظامیہ کی طرف سے بہترین انتظامات کرنے پر ان کو اعزازی شیلڈ دی گئیں
پروگرام کے مہمانان خصوصی سردار فضل الرحمن بلوچ اسسٹنٹ کمشنر ہارون آباد، ڈاکٹر عامر رضا DDHO، ابصار حسین گجر SHO تھانہ سٹی ہارون آباد ، ملک ریاض خلجی وائس چئیرمین بلدیہ، پیر سید پھول علی شاہ، خواجہ غلام شبیر صابری چیئرمین بزمِ بابا فرید الدین، حاجی اسلام غوری وائس چیئرمین، میاں وحید ناصر صدر ، چوہدری آصف ریاض نائب صدر ، راشد نور غوری جنرل سیکرٹری بزمِ بابا فرید الدین مسعود گنج شکر، غلام نبی سپراء صدر بار ایسوسی ایشن ہارون آباد نے لائٹنگ، سجاوٹ کرنے والوں، انتظامیہ، علمائے کرام، سیکورٹی برانچ /سپیشل برانچز، صحافیوں اور بلدیہ ملازمین میں انعامات تقسیم کئے گئے
بالخصوص ایس ایچ او تھانہ سٹی ہارون آباد ابصارحسین گجر نے اپنے دست مبارک سے ریجنل یونین آف جرنلسٹس پاکستان کے ضلعی نائب صدر معروف صحافی و کالم نگار، ایڈیٹر خرم شہزاد ملک کو صحافتی خدمات پر خصوصی ایوارڈ سے نوازا اس پروگرام میں معززین علاقہ کی کثیر تعداد نے بھرپور شرکت کی اور بزم بابا فرید الدین مسعود گنج شکر رحمتہ اللہ علیہ کی اس کاوش کو سراہا پروگرام کے آخر میں حاضرین کے لئے بہترین عشائیہ کا اہتمام بھی کیا گیا
