چینی کی قیمت پرچون میں 170روپے فی کلو تک پہنچ گئی
ایبٹ آباد ( ثاقب عباسی سٹی رپورٹر )چینی کی قیمت پرچون میں 170روپے فی کلو تک پہنچ گئی ہے۔ چینی کی بوری میں ایک دن کے وقفے کے بعد 700 روپے کا اضافہ ہو گیا ہے اور چینی کی بوری 6 ہزار 300 روپے سے 7 ہزار روپے تک پہنچ گئی ہے۔چینی سے بننے والے اشیاء کی قیمتوں میں 300 روپے تک اضافہ ہوا ہے۔ ہول سیل میں چینی 150روپے فی کلو جبکہ پرچون میں 170روپے
فی کلو تک پہنچ گئی ہے چینی کی قیمت میں مسلسل اور مزید اضافہ کے باعث سٹاک کئے جانے والے چینی کے تاجروں نے کروڑوں روپے کا منافع کر لیا ہے۔ چینی کے 45 بڑے ڈیلرز نے ایک مہینے کے دوران اربوں روپے کا منافع حاصل کیا ہے چینی کی قیمت میں مسلسل اضافہ کے باعث مٹھائی، چائے فروشوں نے بھی قیمتوں میں اضافہ کرنا شروع کر دیا ہے۔
