افریقی ملک سیرالیون میں ایندھن لے جانے والے ٹرک کے دھماکے میں ہلاکتوں کی تعداد 99 ہوگئی۔

غیرملکی میڈیا رپورٹس کے مطابق حادثہ گزشتہ روز دارالحکومت فری ٹاؤن میں ایندھن لے جانے والے ٹرک کے دوسرے ٹرک سے ٹکرانے سے پیش آیا۔

رپورٹس میں بتایا گیا ہے کہ ایندھن سے بھرا ٹرک دوسرے ٹرک سے ٹکرانے کے بعد دھماکے سے پھٹ گیا جس کے باعث قریبی علاقے میں دکانوں اور مکانات کو آگ لگ گئی۔

رپورٹس کے مطابق حادثے میں 99 افراد ہلاک ہوئے اور 100 سے زائد زخمی ہوئے۔

ٹینکر حادثے کی ویڈیوز بھی سوشل میڈیا پر زیر گردش ہیں تاہم حکومت کی جانب سے  واقعے کی تحقیقات کا اعلان کیا گیا ہے۔