پیپلز پارٹی شہید بھٹو سندھ لیڈیز ونگ کی صدر فیروزہ لاشاری کی نظام جوکھیو کے لواحقین سے تعزیت
ٹھٹھہ(امین فاروقی بیوروچیف ٹھٹھہ) پیپلز پارٹی شہید بھٹو سندھ لیڈیز ونگ کی صدر فیروزہ لاشاری نے کہا ہے کہ شہید نظام جوکھیو دھرتی کا شہید ہے اور اس کے قاتلوں کو کیفر کردار تک پہنچانے کے لئے عدلیہ اپنا کردار ادا کرے۔ ان خیالات جا اظہار فیروزہ لاشاری نے آچار سالار گوٹھ پہنچ کر بے دردری سے قتل کیئے جانے والے شہید نظام جوکھیو کے لواحقین سے تعزیت کے بعد میڈیا سے گفتگو کرتے ہوئے کیا۔ فیروزہ لاشاری کے ہمراہ پیپلز پارٹی شہید بھٹو کے رہنما چاندی بروہی۔ نظام الدین میمن نظیر پالاری
۔ ذوالفقار بروہی اور دیگر بھی وفد میں شریک تھے جنہوں نے ناظم جوکھیو کے بھائی افضل جوکھیو سے تعزیت کی اور ناظم جوکھیو کی اہلیہ سے بھی ملاقات کی۔ فیروزہ لاشاری نے مزید کہا کہ اس ملک میں اپنے حقوق کے لئے آواز اٹھانا بھی جرم بن گیا ہے۔ پرندوں کے شکار کے خلاف آواز بلند کرنے پر زرداری پارٹی کے کرمنل ایم پی اے نے غریب نوجوان کو قتل کردیا ہے۔ ثابت ہوگیا ہے کہ زرداری نا صرف خود کرمنل ہے بلکہ اس کے ارد گرد رہنے والے لوگ بھی کرمنل ہیں۔ میں اعلی عدالتوں سے اپیل کرتی ہوں کہ اس واقعے میں جوڈیشنری اپنا کردار ادا کرے ریاست اپنا کردار ادا کری تاکہ ایک مظلوم خاندان سے انصاف ہو سکے۔
