انجمن تاجران پاکستان کا کل وزیراعظم آفس کے سامنے دھرنا دینے کا اعلان

انجمن تاجران پاکستان نے کل وزیراعظم آفس کے سامنے دھرنا دینے کا اعلان کردیا۔

اسلام آباد میں پریس کانفررنس کرتے ہوئے صدر انجمن تاجران پاکستان اجمل بلوچ کا کہنا تھاکہ صدارتی آرڈیننس کے ذریعے لاگو تمام قوانین مسترد کرتے ہیں، پوائنٹ آفس سیل سسٹم کا نفاذ نہ ممکن ہے۔

ان کا کہنا تھاکہ مشیرخزانہ جب سے آئے ہیں، عوام اور تاجروں کو تباہ کردیا ہے، عام آدمی مہنگائی کی وجہ سے مشکلات کا شکار ہے۔

انہوں نے کہا کہ کراچی اور پشاور سمیت ملک بھرسے تاجر کل اسلام آباد میں اکھٹے ہوں گے۔

اجمل بلوچ نے مطالبہ کیا کہ 80لاکھ تاجروں کیلئے فکسڈ ٹیکس کا نظام لاگو کیا جائے۔