دولتالہ چوروں کی جاتلی پولیس کو سلامی تھانہ جاتلی سے ایک کلو میٹر دور رات کی تاریکی میں 2 گھر وں سے 7عدد گائیں چوری
دولتالہ(نامہ نگار) چوروں کی جاتلی پولیس کو سلامی تھانہ جاتلی سے ایک کلو میٹر دور رات کی تاریکی میں نامعلوم چور 2 گھر وں سے 7عدد گائیں چوری کر لے گئے محمد ازرم ولد امیر افضل ساکن بھیر رتیال نے رپورٹ درج کراتے ہوئے بتایا کہ گزشتہ رات نا معلوم چور میرے گھر میں جانوروں کے کمرے کی دیوار توڑ کر 2عدد قیمتی گائے چوری کر کے لے گئے جن کی مالیت تقریبا5لاکھ30ہزار روپے بنتی ہے
جب کہ محمد ازرم کے قریبی عزیز حاجی محمد نذیر ولد غلام محمدساکن بھیر رتیال نے رپورٹ درج کراتے ہوئے بتایا کہ اسی رات نا معلوم چورمیں گھر میں جانوروں کے کمرے کی عقبی دیوار توڑ کر 5عدد قیمتی گائے جن کی مالیت تقریبا5لاکھ55ہزار بنتی ہے چوری کر کے لے گئے جاتلی پولیس نے تعزیرات پاکستان زیر دفعہ457/380کے تحت الگ الگ مقدمات مقدمہ درج کر کے ملزمان کی تلاش شروع کر دی
علاقہ میں مویشی چوری کی وارداتوں کا تسلسل علاقہ عوام میں شدید خوف و ہراس پیدا کر رہا ہے جاتلی پولیس کے گشت کا نظام غیر موثر ہونے کے باعث جرائم پیشہ افراد ایک بار پھر متحرک ہو رہے ہیں ادھر پولیس چوکی دولتالہ گزشتہ ایک ماہ سے چوکی انچارج سے محروم ہے اہلیان علاقہ نے سی پی او راولپنڈی سے مطالبہ کیا ہے کہ انچارج پولیس چوکی دولتالہ کی تعیناتی عمل میں لائی جائے جب کہ چوری کی مسلسل وارداتوں کی روک تھام اور ملزمان کی گرفتاری کو یقینی بنایا جائے
