گومل یونیورسٹی ڈی آئی خان/ادبی مشاعرے کا اہتمام/شعراء نے اردو، سرائیکی، پشتو کلام سنائے
ڈیرہ اسماعیل خان(نثاربیٹنی سے)گومل یونیورسٹی کی تاریخ کا سب سے بڑا ایونٹ وائس چانسلر لیٹریری ایوارڈ6(وی سی ایل اے 6)تین دن تک اپنی رنگینیاں بکھیرنے کے بعد اختتام پزیر ہو گیا۔پروقار اختتامی تقریب کے مہمان خصوصی وائس چانسلر گومل یونیورسٹی پروفیسر ڈاکٹر افتخار احمد اور سابق وائس چانسلر گومل یونیورسٹی اجمل خان تھے جبکہ اس موقع پر گومل یونیورسٹی کے تمام شعبہ جات کے ڈینز،
رجسٹرار، ڈائریکٹرزاور طلباء کی بڑی تعداد موجود تھی۔ وی سی ایل اے 6کا انعقاد ڈائریکٹوریٹ آف سوسائیٹیز کی ڈپٹی ڈائریکٹر میڈم ثناء خان کی سربراہی میں کیا گیا ۔تین روز تک جاری رہنے والے وی سی ایل اے 6کے مختلف مقابلوںمیںگومل یونیورسٹی کے سٹی کیمپس، ٹانک کیمپس ، وینسم کالج اور مین کیمپس کے تمام شعبہ جات کے تقریبا667طلبہ و طالبات نے قرأت ‘نعت ‘اردو و انگریزی تقاریر’اردو و انگریزی مضمون نویسی، پینٹنگ، کیلی گرافی، سکیچنگ، ویڈیو گرافی ، فوٹو گرافی ‘بیت بازی’ڈرامہ،
ملی نغمہ،ثقافتی سٹالز کے مقابلوں میں حصہ لیا۔وی سی ایل 6کے اختتامی روز گومل یونیورسٹی کے ڈاکٹرعبدالقدیر خان آڈیٹوریم میں ایک بہترین مشاعرے کا بھی اہتمام کیا گیا جس میں پاکستان کے مختلف شہروں سمیت ڈیرہ اسماعیل خان کے شعراء شامل تھے۔ جن میں ندیم راجہ، ریحان عباسی نے اردو، عصمت گورمانی،رمضان کاوش، مخمور قلندری، اسد اجنبی،شیخ توقیر اکرم نازش نے سرائیکی جبکہ سرور جان سرور، ریاض نادان،ذیشان اسیرنے پشتو شاعری سنا کر شرکاء کو محضوظ کیااور ان سے خوب داد وصول کی۔
اس موقع پر ثقافتی سٹالز بھی لگائے گئے تھے جن میں خصوصی طورپر غیر ملکی طلباء توجہ کا مرکز بن رہے۔طالبات کے ثقافتی سٹالز کے حوالے سے پروگرام گرلز ہاسٹل میںمنعقد ہوا۔ وائس چانسلر ڈاکٹر افتخار احمد نے کہا کہ ہم نصابی سرگرمیوں کے انعقاد کا مقصد طلباء میں تعلیم کیساتھ ساتھ ان کی اندر چھپی ہوئی صلاحیتوں کو اجاگر کرتا ہے اور ساتھ ہی ان میں مثبت لیڈر شپ کوابھارتا ہے جس سے انکو پتہ چلتا ہے
کہ کس طرح سے ہم نے مل کر ایک ساتھ مشکلات کا مقابلہ کرنا ہے اور کامیابی کے سفر پر آگے بڑھنا ہے۔وائس چانسلر نے پوزیشن نہ لینے والے طلباء کے حوصلے بڑھاتے ہوئے کہا کہ آپ طلباء بالکل مایوس نہ ہوں بلکہ اپنی کمی و کوتاہیوں سے سیکھیں اور ان کو دورکر کے مزید محنت اور لگن سے اگلی دفعہ پھر بھرپور حصہ لیں وائس چانسلر ڈاکٹر افتخار احمد نے کہا کہ مجھے خوشی ہو رہی ہے
کہ گومل یونیورسٹی کے سابق وائس چانسلر اجمل خان نے ہماری دعوت کو قبول کرکے ہمیں عزت بخشی جس پر میرے سمیت تمام گومل یونیورسٹی کے اساتذہ، افسران، ملازمین اور طلباء ان کا تہہ دل سے مشکور ہیں۔انہوں نے مزید کہا کہ آج کے وی سی ایل اے 6پروگرام کے کامیاب انعقاد کا سہرا ڈائریکٹور یٹ آف سوسائیٹز میڈم ثناء ، ڈائریکٹوریٹ آف سوسائیٹزکے سٹاف اور اس پروگرام کو ترتیب دینے والے تمام طلباء کو جاتا ہے کیونکہ انتہائی کم وقت میں اتنا بڑا کامیاب ایونٹ کروانا آسان کام نہیں۔
یہ میڈم ثناء ان کے سٹاف اور ان کے طلباء کی پوری ٹیم کی دن رات کی محنت ہے۔ جس پر میں ان سب کو مبارک باد دیتا ہوں ۔ تقریب سے ڈپٹی ڈائریکٹر میڈم ثناء خان، سابق گومل یونیورسٹی وینسم کالج کے استاد اور ریڈیو پاکستان کے اینکر اعجاز حسین قریشی نے بھی خطاب کیا۔ تقریب کے اختتام پر وائس چانسلر گومل یونیورسٹی پروفیسر ڈاکٹر افتخار احمداورسابق وائس چانسلر اجمل خان نے طلباء میں انعامات تقسیم کئے۔وائس چانسلر لیٹریری ایواڈ6کے مختلف کٹیگریز میں قرأت کے مقابلوں میں فزکس کے حافظ محمد ہارون نے پہلی، فواس کے حافظ عثمان طورنے دوسری ، آئی بی ایس کے رحمت گل نے تیسری،
نعت کے مقابلوں میں انگریزی کے محمد اقبال شاہ نے پہلی، ایگریکلچر کے توقیر حسن نے دوسری ، فواس کے محمد اسد رضانے تیسری،انگریز ی تقریری میں آئی بی ایس کی کائنات زہرا نے پہلی’فارمیسی کی افراء مناف نے دوسری، انگریزی کی پلواشہ نے تیسری ،تقریری مقابلہ اردو میں فارمیسی کی ایمن صفدر نے پہلی، انگلش کی موانمہ خولق نے دوسری جبکہ آئی بی ایس کے طالبعلم محمد شاہد نے
تیسری انگریزی مضمون نویسی میں انگریزی کی سیدہ مصباح بتول پہلی ، آئی بی ایس کے محمد عادل دوسری، آئی سی ایس کے نثار احمد نے تیسری پوزیشن ،اردومضمون نویسی میں پولیٹیکل سائنسز کی ثمن نے پہلی، آئی ای آر کی تانیہ بی بی نے دوسری، الائیڈ ہیلتھ سائنسز کی الیزا رحمن نے تیسری پوزیشن ‘پیٹنگ میں انگریزی کی افیفا فردوس نے پہلی، الائیڈہیلت
