خانیوال پولیس آفیسرسیدندیم عباس کی پاسٹر عبدلمسیح‘پاسٹرلیموایل ڈینی ایل‘پاسٹرسلاتی ایل وکٹراورپاسٹرپیڑخان سے ملاقات
خانیوال03دسمبر21(سعید احمد بھٹی)ڈسٹرکٹ پولیس آفیسرسیدندیم عباس سے پاسٹر عبدلمسیح‘پاسٹرلیموایل ڈینی ایل‘پاسٹرسلاتی ایل وکٹراورپاسٹرپیڑخان نے ملاقات کی اورکمانڈآف خانیوال پولیس کی قیاد ت میں خانیوال پولیس کی جانب سے بہترین حکمت عملی کے تحت جرائم کی شرح میں کمی اورامن وامان کی فضاء برقرار رکھنے سمیت کرسمس برادری کے جان ومال کی حفاظت اورکرسمس عبادت گاہوں میں سکیورٹی کے بہترین انتظامات پر خراج تحسین پیش کیا اورڈی پی او خانیوال کو گلدستہ پیش کیا گیا۔
اس موقع پر ڈی پی او سید ندیم عباس نے گفتگوکرتے ہوئے کہاکہ خانیوال پولیس اقلیتی برادری کے تحفظ سے غافل نہیں‘مسیحی برادری اور ان کے عبادت گاہوں کی سکیورٹی اولین ترجیحات میں شامل ہے جس کے لیے خانیوال پولیس تمام دستیاب وسائل بروئے کارلارہی ہے‘مسیحی مذہبی تہوارکرسمس کے لئے
تمام مسیحی عبادت گاہوں پرفول پروف سکیورٹی کیلئے سکیورٹی پلان ترتیب دیاجائے گا اور آئندہ بھی خانیوال پولیس کی جانب سے آپ کے ساتھ ہر ممکن تعاون یقینی بنایا جائے گا۔مسیحی برادری کے وفد نے ڈی پی او سیدندیم عباس کا شکریہ اداکرتے ہوئے کہاکہ خانیوال میں امن وعامہ کی خاطر مسیحی برادری کا تعاون خانیوال پولیس کیساتھ جاری رہیگا۔
