جہانیاں اسسٹنٹ کمشنر آفس جہانیاں میں کرسمَس کی تقریب کرسمَس کیک کاٹا گیا
جہانیاں (سعید احمد بھٹی) اسسٹنٹ کمشنر آفس جہانیاں میں کرسمَس کی تقریب ہوئی. تقریب کی صدارت اسسٹنٹ کمشنر آمنہ احسان تارڑ نے کی مہمان خصوصی سینٹ البرٹ کا تھولک چرچ جہانیاں فادر جاوید خورشید اور علاقہ انچارج بابو آصف برکت تھے. تقریب میں کرسمَس کیک کاٹا گیا. تقریب سے خطاب کرتے ہوئے اسسٹنٹ کمشنر آمنہ احسان تارڑ نے کہا کہ ہم اپنے مسیحی برادری کو مبارکباد پیش کرتے ہیں.
کرسمَس تقریب کا اہتمام کرنا ہمارے لیے باعث فخر ہے. مسیح برادری کی پاکستان کے لیے بے تحاشا خدمات ہیں. حضرت عیسٰی علیہ السلام کی تعلیمات صبر، برداشت اور امن ہم سب کے لیے مشعل راہ ہے . فادر جاوید خورشید نے کہا کہ کرسمَس ایک بہت بڑا تہوار ہے جو عالم گیر سطح پر خوشی منانے کا دن ہے. پاکستان ہمارا وطن ہے یہاں پر ہمیں ہر قسم کی مذہبی آزادی حاصل ہے. کرسمَس کیک کاٹنے کی تقریب کے اہتمام کرنے پر ہم آپ کے شکرگزار ہیں.
