خانیوال حکومت پنجاب کی ہدایت پر سرائے سدھو اور مخدوم پور پہوڑاں میں صفائی نظام کی بہتری کے لئے 60لاکھ روپے مالیت کی مشینری ضلع کونسل کے حوالے
خانیوال (سعید احمد بھٹی) حکومت پنجاب کی ہدایت پر سرائے سدھو اور مخدوم پور پہوڑاں میں صفائی نظام کی بہتری کے لئے 60لاکھ روپے مالیت کی مشینری ضلع کونسل کے حوالے کردی گئی-ڈپٹی کمشنر/ایڈمسنٹریٹر ظہیر عباس شیرازی نے مشینری چیف آفیسر محمد حسین بنگش کے حوالے کی-
اس موقع پر ڈسٹرکٹ انجینئر فہیم شہزاد، چیئرمین وزیر اعظم انسپکشن ٹیم احمد یار ہراج کے نمائندہ، مسعود چوہان اور صوبائی وزیر حامد یار ہراج کے نمائندہ، الطاف حسین بنگش بھی موجود تھے۔ ڈپٹی کمشنر نے اس موقع پر گفتگو کرتے ہوئے کہا کہ نئی مشینری سے صفائی کے نظام میں بہتری آئے گی ضلع کونسل حدود میں صفائی اور سینیٹیشن مسائل کے حل کے لئے مئوثر پلاننگ کی جائے-
