خانیوال تھانہ صدر کبیروالا پولیس کی کاروائی‘خطرناک ڈکیت کے دو ملزمان گرفتار
خانیوال 18جنوری22(سعید احمد بھٹی)ڈی پی او سید ندیم عباس کی گائیڈ لائن اورہدایات اور ایس ڈی پی او ملک راشد تھہیم کی زیرنگرانی تھانہ صدر کبیروالا پولیس کی کاروائی‘خطرناک ڈکیت کے دو ملزمان گرفتار‘ملزمان کے قبضہ سے نقدی اورموٹرسائیکل برآمد۔ملزمان سے تفتیش جاری ہے جس سے مزید برآمدگی متوقع ہے۔تفصیل کے مطابق عابد عرف ابی موہانہ خطرناک ڈکیت گینگ سرکل کبیروالا سمیت گردونواح کے علاقو ں میں رابری اورراہزنی کی وارداتوں میں سرگرم تھا جس کا سخت نوٹس لیتے ہوئے
ڈی پی او سید ندیم عباس نے ایس ڈی پی او کبیروالا ملک راشد تھہیم کی سربراہی میں ایس ایس او تھانہ صدرکبیروالا محمد امین کو عابد عرف ابی موہانہ ڈکیت گینگ کی گرفتاری اورمال مسروقہ کی برآمدگی کا ٹاسک دیا جس پر ایس ایچ او تھانہ صدرکبیروالا نے محنتی اورقابل پولیس افسران پر مشتمل پولیس ٹیم تشکیل دی
اوراپنے انفارمیشن ذرائع کو بروئے کارلاتے ہوئے شب وروزمحنت محنت کے بعد موٹر سائیکل پر سوار ہو کر راہگیروں سے نقدی، موبائل فون اور موٹرسائیکل چھیننے کی وارداتوں میں ملوث عابد عرف ابی موہانہ خطرناک ڈکیت گینگ کے سرغنہ کو اس کے ساتھی لیاقت سمیت گرفتارکرلیا اورملزمان کے قبضہ سے شہریوں سے لوٹی گئی
نقدی 02لاکھ اورموٹرسائیکل برآمد کرلیا‘گرفتار ملزمان نے دوران تفتیش صدر کبیروالا اور اسکے گردونواح میں متعدد وارداتوں کے ارتکاب کا انکشاف کیا ہے‘ملزمان سے انٹیروگیشن جاری ہے جس سے مزید برآمدگی متوقع ہے۔ڈی پی او نے بہترین کارکردگی پر پولیس ٹیم کو شاباش دی۔
