انسپکٹر قیصر رشید کی تعیناتی سے علاقہ کے عوام میں خوشی کی لہر دوڑ گئی
گوجرانوالہ(رپورٹ)انسپکٹر قیصر رشید کی تعیناتی سے علاقہ کے عوام میں خوشی کی لہر دوڑ گئی- تفصیلات کے مطابق پی ٹی آئی مذہبی امور ونگ کے سیکرٹری اطلاعات ملک شہزاد چشتی اور نائب صدر محمد بلال چوہدری نے اپنے مشترکہ بیان میں کہا ہے کہ ایس ایچ او تھانہ پیپلز کالونی انسپکٹر قیصر رشید کیانی بہترین پولیس افسر ہیں
اور وہ صاف شفاف ٹریک ریکارڈ کے حامل ہیں۔ انہوں نے کہا کہ ان کی تعیناتی سے علاقہ میں امن و امان کے قیام کو تقویت ملی ہے، تھانہ میں آنیوالے سائلین کیساتھ حسن سلوک کیساتھ پیش آیا جاتا ہے۔ ان کا مزید کہنا تھا
کہ وہ سی پی او گوجرانوالہ سید حماد عابد کاظمی کا شکریہ ادا کرتے ہیں قیصر رشید جیسے منجھے ہوئے پولیس افسر کو تھانہ پیپلز کالونی میں تعینات کیا۔