کشمیر کے عظیم ہیرو و رہبر مقبول بٹ شہید کی برسی عظیم الشان طریقے سے منانے کی تیاریاں زور و شور سے جاری
اسلام گڑھ(کرائم رپورٹر) کشمیر کے عظیم ہیرو و رہبر مقبول بٹ شہید کی برسی عظیم الشان طریقے سے منانے کی تیاریاں زور و شور سے جاری ہیں، جس طرح پورے کشمیر میں ریلیوں اور پروگرامات کے انعقاد کی تیاریاں اپنے جوبن پر ہیں اسلام گڑھ میں بھی جے کے ایل ایف اور محبانِ مقبول بٹ و آزادی پسند نظریات رکھنے والے لوگ بھرپور طریقے سے یوم مقبول بٹ منائیں گے اسلام گڑھ
میں چنار پریس کلب سے ایک بڑی ریلی نکالی جائے گی جو پلائی موڑ پر اختتام پذیر ہو گی جہاں پر لبریشن فرنٹ آزادکشمیر کے مرکزی قائدین شرکت و خطاب کریں گے خصوصی شرکت ضلعی صدر لبریشن فرنٹ چوہدری عبدالحفیظ سمیت دیگر رہنما شرکت کریں گے اور حریت رہنما مقبول بٹ کو خراج تحسین پیش کریں گے اور ان کے نظریات اور نقش قدم پر چلنے کا عہد تجدید کریں گے۔اور شہدائے کشمیر کے ایصال ثواب کے لیے خصوصی دعائیں بھی کی جائیں گی۔
