کشمیر کے عظیم ہیرو و رہبر مقبول بٹ شہید کی برسی عظیم الشان طریقے سے منانے کی تیاریاں مکمل
اسلام گڑھ(نامہ نگار) کشمیر کے عظیم ہیرو و رہبر مقبول بٹ شہید کی برسی عظیم الشان طریقے سے منانے کی تیاریاں مکمل، پورے کشمیر میں ریلیوں اور پروگرامات کے طرح اسلام گڑھ میں بھی جے کے ایل ایف اور محبان مقبول بٹ و آزادی پسند نظریات رکھنے والے لوگ آج بھرپور طریقے سے یوم مقبول بٹ کو یوم عزم نو کے طور پر منائیں گے اسلام گڑھ میں چنار پریس کلب سے ایک بڑی ریلی نکالی جائے گی
جو پلائی موڑ پر اختتام پذیر ہو گی جہاں پر لبریشن فرنٹ آزادکشمیر کے مرکزی قائدین شرکت و خطاب کریں گے خصوصی شرکت JKLF برطانیہ زون کے مرکزی نائب صدر شبیر کشمیری، ضلعی صدر لبریشن فرنٹ چوہدری عبدالحفیظ سمیت دیگر رہنما شرکت کریں گے اور حریت رہنما مقبول بٹ کو خراج تحسین پیش کریں گے
اور ان کے نظریات اور نقش قدم پر چلنے کا عہد تجدید کریں گے۔اور یوم عزم نو میں مسئلہ کشمیر کی آزادی کے لیے جدوجہد کو تیز کرنے کا اعادہ بھی کیا جائے اور شہدائے کشمیر کے ایصال ثواب کے لیے خصوصی دعائیں بھی کی جائیں گی۔
