سنگجانی ترنول کے نواحی علاقوں میں چوروں کی مو جیں، نواحی علاقہ میں تیسری بار بجلی کا ٹرانسفارمر چور لے اُڑے
سنگجانی (بیورو رپورٹ)ترنول کے نواحی علاقوں میں چوروں کی مو جیں، نواحی علاقہ میں تیسری بار بجلی کا ٹرانسفارمر چور لے اُڑے ، لوگ لوڈ شیڈنگ سمجھتے رہے صبح دیکھا تو ٹرانسفارمر غائب اور خالی پول کھڑا تھا ، حکومت کو لاکھوں کا نقصان ، چوری ہو نے والے تینوں ٹرانسفارمرز کا کچھ پتہ نہ چل سکا،
ترنول کا نواحی علاقہ سنڈے مار ڈھوک سیداں اندھیرے میں ڈوب گیا ، شہری پانی کی بوند بوند کو ترسنے لگے ، عوام سراپا احتجاج ۔واپڈا کی ملی بھگت سے ٹرانسفارمر چوری کے واقعات میں کافی حد تک اضافہ ہو گیا ہےجس پر کاروائی کی بجائے تاحال محکمے کے حکام نے چپ سادھ رکھی ہے۔ترنول کے علاقوں سنگجانی ڈھوک ملیار سنڈے مار ڈھوک سیداں سے گزشتہ ایک چند ماہ کے دوران تیسری بار ٹرانسفارمر چوری ہو چکے ہیں
جن کے مقدمات بھی درج نہیں کیے گئے واقعہ حکام کی جانب سے نوٹس لینے کے باوجود ٹرانسفارمر چوری کا سلسلہ تاحال جاری ہے ٹرانسفارمرز کی چوری بڑھنے پر پولیس نے 3 واقعات کا ابھی تک ایک بھی مقدمہ درج نہ کیا گیا جس کا متاثرہ شہریوں نے حکومت سے نوٹس لینے کا مطالبہ بھی کیا ہے۔
