روس کا یوکرین پر حملہ: ہزاروں پاکستانی محصور، سفارتخانے کے رویے پر پھٹ پڑے

روس کا یوکرین پر حملہ: ہزاروں پاکستانی محصور، سفارتخانے کے رویے پر پھٹ پڑے

روس کی جانب سے یوکرین پر حملے کے بعد یوکرین کے دارالحکومت کیف سمیت مختلف شہروں میں جنگی طیاروں کے حملے، ٹینکوں کی گولا باری کا سلسلہ جاری ہے۔

ہر طرف  جنگ کی تباہ کاریاں ہیں اور ایسے میں لاکھوں یوکرینی شہریوں کی طرح وہاں موجود ہزاروں پاکستانی بھی محصور ہو کر رہ گئے ہیں۔

پاکستانی شہری یوکرین میں پھنس گئے اور پاکستانی سفارت خانے کے رویے پر پھٹ پڑے۔

https://twitter.com/KonnectPakistan/status/1497195778888114195?ref_src=twsrc%5Etfw%7Ctwcamp%5Etweetembed%7Ctwterm%5E1497195778888114195%7Ctwgr%5E%7Ctwcon%5Es1_&ref_url=https%3A%2F%2Furdu.geo.tv%2Flatest%2F278512-

پاکستانی شہریوں کا کہنا ہے کہ سفارت خانے نے جھوٹ بولا، بے یار و مددگار چھوڑ دیا، پہلے دارالحکومت کیف بلایا، جب ہزاروں روپے خرچ کرکے کیف پہنچے تو سفارت خانے نے ہاتھ کھڑے کردیے اور اب دوسرے شہر ٹرنوپل جانے کا مشورہ دے دیا۔

پاکستانی شہریوں کا کہنا ہے کہ ان کے پاس پیسے ختم ہوگئے ہیں ،اے ٹی ایم بھی بند ہیں، کھانے پینے کے لالے پڑ گئے،کہاں جائیں، کس کو مدد کے لیے بلائیں؟کوئی پوچھنے والا نہیں۔

شہریوں نے بنکرز اور زیر زمین سرنگوں میں پناہ لے لی

یوکرین کے دارلحکومت کیف میں شدید لڑائی کی وجہ سے محصور پاکستانی طلبہ  نے بھی پاکستانی سفارت خانے سے مدد کی اپیل کی ہے۔

بنکرز اور زیر زمین سرنگوں میں پناہ لیے والے طلبہ کا کہنا ہے کہ سفارت خانہ باہر نکلنے کیلئے کوئی تعاون نہیں کر رہا، سفارتخانے سے کوئی پیغام نہیں آیا،لاوارثوں کی طرح پڑے ہیں ،کھانے پینے کیلئے کچھ نہیں، پہلے کہا کیف آجائیں پھر کہا کیف محفوظ شہر نہیں، کیا کریں کہاں جائیں ،کوئی پرسان حال نہیں۔

کیف میں پھنسے طلبہ کا کہنا ہے کہ تقریباً دو سو طلبہ یہاں امداد کے منتظر ہیں ۔

پاکستانی سفارتخانے کا مؤقف

یوکرین میں پاکستانی سفارتخانے نے یوکرین سے نکلنے کیلئے تمام طلبہ کو فوری طور پر ٹرنوپل یا لوویو  پہنچنے کی ہدایت کردی ہے۔

@ForeignOfficePk pic.twitter.com/17qm3CEnAC

— Pakistan Embassy Ukraine (@PakinUkraine) February 25, 2022

پاکستانی سفارتخانے کا کہنا ہے کہ ٹرانسپورٹ نہ ملنے پر سفارتخانے کے تعلیمی مشیر کی خدمات حاصل کریں، تعلیمی مشیرپاکستانی طلبہ کو ٹرنوپل پہنچائیں گے۔

یوکرین میں پاکستانی سفارتخانہ دارالحکومت کیف سے ٹرنوپل منتقل کردیا گیا ہے۔

یوکرین میں پاکستانی سفیر نویل کھوکھر کا کہنا ہے کہ یوکرین میں خارکیف سے ٹرنوپل کیلئے ٹرین سروس موجود ہے، طلبہ کی مدد کیلئے دو فوکل پرسن تعینات کردیے ہیں۔

🚨@PakinUkraine has made a facilitation center in #Ternopil & reception point at #Lviy Railway Station.
Contact details for Lviv Railway station are:

+380932197175
+380633881573

🇵🇰 students will be evacuated to #Poland @SMQureshiPTI @ForeignOfficePk #Pakistan

— Pakistan Embassy Ukraine (@PakinUkraine) February 25, 2022