خانیوال ایس ایچ او تھانہ صدرکبیروالا کی زیرنگرانی کلین اینڈ گرین پنجاب مہم کے سلسلہ میں پودے لگائے گئے
خانیوال 25فروری 22(سعید احمد بھٹی)وزیراعظم پاکستان کے وژن صاف اورسرسبزپاکستان کے تحت ڈسٹرکٹ پولیس آفیسرسیدندیم عباس کی ہدایات پرکلین اینڈ گرین پنجاب مہم کے سلسلہ میں تھانہ صدرکبیروالا میں ایس ایچ او محمد امین جھنڈیرکی زیرنگرانی پودے لگائے گئے۔اس ضمن میں ڈی پی او سید ندیم عباس نے کہاکہ صاف اورسرسبزپاکستان پروگرام کے تحت پولیس لائن اورتھانوں میں زیادہ سے زیادہ پودے لگائے جارہے ہیں
تاکہ خوبصورتی میں اضافہ ہوسکے اور ماحولیاتی آلودگی سے بچاجاسکے اور پولیس جوانوں کو بہترین اور خوشگوار ماحول میسر آسکے کیونکہ درخت ماحول کو خوشگوار بنانے کیساتھ فضائی آلودگی کے خاتمہ کا باعث بنتے ہیں۔انہو ں نے کہاکہ تاجربرادری اورشہری بھی اپنے شہر کو صاف اورسرسبزوشاداب رکھنے کے لیے اپنے اپنے حصے کا پودالگائیں اورکلین اینڈ گرین پنجاب مہم کو کامیاب بنائیں۔
