انشاءاللہ سب سے پہلے گریٹ پاکستان کا نعرہ ہماری پہچان ہے- رانا اویس
شیخوپورہ(بیوروچیف/شیخ محمد طیب سے)انشاءاللہ سب سے پہلے گریٹ پاکستان کا نعرہ ہماری پہچان ہے- ان خیالات کا اظہار سینئر رہنما پی ٹی آئی و سینئر نائب صدر انجمن تاجران ضلع شیخوپورہ رانا اویس نے صحافی و کالمسٹ بیوروچیف فائرسٹون نیوز شیخ محمد طیب سے دوران ملاقات گفتگو کرتے ہوئے
اپنے ایک بیان میں کیا- انہوں نے کہا کہ ہمیں اپنے لیڈر وزیراعظم عمران خان کی قیادت پر فخرہے جنہوں نے ملک کو ترقی کی نئی منازل کی جانب گامزن کردیا ہے- انہوں نے کہا کہ ملک دشمن عناصر کو ملک پاکستان کی ترقی و خوشحالی ہضم نہیں ہورہی جبکہ عمران خان کی ولولہ انگیز قیادت میں ترقی کا نیا دور شروع ہوچکا ہے اور صرف یہی نہیں بلکہ دنیا بھر میں گرین پاسپورٹ کی قدرومنزلت میں اضافہ ہوا ہے
اسی لئے انشاءاللہ سب سے پہلے گریٹ پاکستان کا نعرہ ہماری پہچان بن چکا ہے کیونکہ کپتان نے دنیا کی آنکھوں میں آنکھیں ڈال کر پاکستان کی قدر کو منوایا اور دنیا پر ثابت کیا ہے کہ ہم ایک خودمختار اور بااختیار ملک ہیں جس پر ہر شہری کا سرفخر سے بلند ہوا ہے- رانا اویس کا یہ بھی کہنا تھا
کہ انشاءاللٰہ اپوزیشن کو تحریک عدم اعتماد کے نتیجے میں شکست فاش سے دوچار ہونا پڑے گا کیونکہ پی ٹی آئی اور اسکی حکومتی اتحادی جماعتیں متحد ہیں اور اپوزیشن بوکھلاہٹ کا شکار نظرآتی ہے