اسلام گڑھ : میرپور سے کھوئیرٹہ جانے والی بدقسمت مسافر کوچ حادثہ کا شکار
اسلام گڑھ (جاوید اقبال بٹ سے) میرپور سے کھوئیرٹہ جانے والی بدقسمت مسافر کوچ حادثہ کا شکار۔حادثہ میں سنیاہ پنجن کے رہائشی محمد یونس موقع پر جانبحق۔دیگر زخمی مسافروں کو ہسپتالوں میں منتقل کر دیا گیا ہے۔مسافر گاڑی میں پھنس گئے۔گاڑی کو کاٹ کر مسافروں کو نکالا گیا۔تفصیلات کے مطابق میرپور سے کھوئی رٹہ مسافروں کو لے جانے والی مسافر کوچ پیرگلی کے مقام پر حادثہ کا شکار ہو گئی حادثہ اس وقت پیش آیا جب مسافر کوچ LWC8281 پیرگلی اور سہار کے درمیان نالا موڑ کے
قریب پہنچی تو اس وقت بریک فیل ہو جانے کے باعث گاڑی بے قابو ہو گئی ڈرائیورنے موقع کی مناسبت سے گاڑی کا رخ سامنے پہاڑی کی طرف کر دیا تا کہ نقصان کم سے کم ہو ابتدائی معلومات کے مطابق متعدد زخمی اور مسافر محمد یونس جو سنیاہ سنہوٹہ چڑہوئی کا رہائشی تھا موقع پر ہی زخموں کی تاب نہ لاتے ہوئے
وفات پا گیا حادثہ کی خبر سنتے ہی گرد و نواع سے سینکڑوں افراد جاہے حادثہ پر پہنچ آئے مقامی لوگوں اور مسافروں کی بڑی تعداد نے زخمی مسافروں کو امدادی کاروائیوں میں مدد کی ۔
