اسلام گڑھ : ننھے طالبعلموں کی زندگیاں خطرے میں،بوائز پرائمری بنگ دھیراہ کی عمارت گِرنے کے قریب

اسلام گڑھ (جاوید اقبال بٹ سے) ننھے طالبعلموں کی زندگیاں خطرے میں،بوائز پرائمری بنگ دھیراہ کی عمارت گِرنے کے قریب،بوسیدہ عمارت میں بڑی دراڑیں،معصوم بچے خوف میں تعلیم حاصل کرنے پر مجبور،ہنگامی اقدامات کی ضرورت،حکومت،محکمہ تعلیم اور ممبر اسمبلی توجہ دیں۔تفصیلات کے مطابق ضلع میرپور حلقہ 2 اسلام گڑھ چکسواری یونین کونسل کنیلی کے گورنمنٹ بوائز پرائمری سکول بنگ دھیراہ کی بوسیدہ عمارت طالب علموں کی زندگیوں کے خطرہ بن گئی ہے،عمارت میں پڑی بڑی دراڑوں سے حادثے کا اندیشہ ہے،

بوسیدہ عمارت ہچکولے لے رہی ہے جو کسی بھی وقت زمین بوس ہو سکتی ہے،بچے ڈر کے باعث رفع حاجت کے لیے ٹوائلٹ بھی استعمال نہیں کر رہیں ہیں، بچوں کو تعلیم کے لیے ساز گار ماحول فراہم کرنا ریاست و حکومت کی زمہ داری ہے ،معصوم طالبعلم خوف کے عالم میں تعلیم حاصل کر رہیں ہیں ،آزاد حکومت ،محکمہ تعلیم اور حلقہ کے ممبر اسمبلی قاسم مجید کسی حادثہ سے قبل فوری توجہ دیکر نئی عمارت یا مرمت کے لیے اقدامات کریں۔