تحریکِ عدم اعتماد: قذافی اسٹیڈیم عمران خان کے نعروں سے گونج اٹھا

پاکستان اور آسٹریلیا کے درمیان کھیلے گئے آخری ایک روزہ میچ کے دوران قذافی اسٹیڈیم لاہور عمران خان کے نعروں سے گونج اٹھا۔

ہفتے کو کھیلے گئے ون ڈے سیریز کے آخری میچ  میں اسٹیڈیم میں موجود تماشائیوں نے تحریک عدم اعتماد پر وزیر اعظم عمران خان کی کامیابی کے نعرے لگادیے۔

ویڈیو پاکستان تحریک انصاف کے مصدقہ اکاؤنٹ سے شیئر کی گئی جس میں دیکھا جاسکتا ہے کہ عمران خان کے حامیوں کی بڑی تعداد کہہ رہی ہے کہ ‘جیتے گا بھئی جیتے گا، عمران خان جیتے گا’۔

واضح رہے کہ اپوزیشن کی جانب سے وزیراعظم عمران خان کیخلاف جمع کرائی گئی عدم اعتماد کی قرارداد پر ووٹنگ آج ہوگی جس میں یہ فیصلہ ہوجائے گا کہ عمران خان وزیراعظم کے عہدے پر رہیں گے یا فارغ ہوجائیں گے۔