ڈپٹی اسپیکر قومی اسمبلی قاسم سوری کی جانب سے تحریک عدم اعتماد مسترد کرنے پر اپوزیشن لیڈر شہباز شریف کے رد عمل کی ایک ویڈیو سامنے آگئی ہے۔

ویڈیو میں شہباز شریف کو تحریک عدم اعتماد کے مسترد کیے جانے پر منہ پر انگلی رکھے گھورتے دیکھا جاسکتا ہے۔

سوشل میڈیا پر شہباز شریف کی ویڈیو وائرل ہوگئی جس پر سوشل میڈیا صارفین کی جانب سے مختلف رد عمل کا اظہار کیا جارہا ہے۔

خیال رہے کہ  صدر مملکت ڈاکٹر عارف علوی نے وزیراعظم عمران خان کی تجویز پر قومی اسمبلی تحلیل کر دی۔

ڈپٹی اسپیکر قومی اسمبلی قاسم سوری کی جانب سے وزیراعظم کے خلاف تحریک عدم اعتماد کی قرار داد کو آئین کے منافی قرار دیتے ہوئے مسترد  کردیا گیا۔