آئل ٹینکر الٹ گیا، ڈرائیور زخمی ہوگیا- ریسکیو 1122 کی امدادی ٹیمیں بروقت پہنچ گئیں
شیخوپورہ(بیوروچیف/ شیخ محمد طیب سے)آئل ٹینکر الٹ گیا۔ شاہیں ولاز فیصل آباد بائی پاس پر 50 ہزار کیپسٹی کا ڈیزل سے لوڈ آئل ٹینکرٹائر پھٹنے سےالٹ گیا۔ آئل ٹینکر الٹنے سے ڈرائیور زخمی ہو گیا- میڈیا کوآرڈینیٹر ریسکیو 1122 شیخوپورہ شاہد حسین نے میڈیا کو بتایا کہ ریسکیو 1122 کی امدادی ٹیم نے زخمی ڈرائیور کو موقع پر طبی امداد دینے کے بعد ڈسٹرکٹ ہیڈ کوارٹر ہسپتال شیخوپورہ منتقل کر دیا
۔ ریسکیو 1122 شیخوپورہ کی فائر فائٹنگ ٹیم نے موقع پر پہنچ کرایریا کارڑن آف کر کے تمام حفاظتی اقدامات مکمل کر لیے۔ پولیس کی جانب سے ایک طرفہ ٹریفک کو روک دیا گیا ہے۔ اطلاع کے مطابق 50 ہزار لیٹر ڈیزل سے بھرا PSO کمپنی کا آئل ٹینکر ماچھیکے سے پتوکی کی طرف جا رہا تھا کہ شاہین ولاز بائی پاس پر ٹائر پھٹنے سے الٹ گیا اور آئل ٹینکر سے آئل لیک ہونا شروع ہو گیا۔ ریسکیو 1122 نے ایریا کارڑن آف کر کے حفاظتی اقدامات مکمل کر لیے ہیں