ہارون آباد اورگردونواح میں غیر ضروری لوڈشیڈنگ سے عوام و الناس کا جینا محال بن گیا
ہارون آباد (خرم شہزاد ملک سے) ہارون آباد اورگردونواح میں غیر ضروری لوڈشیڈنگ سے عوام و الناس کا جینا محال بن گیا، کاروباری نظام بری طرح متاثر ہوگئے، گھروں میں پانی والی ٹینکیاں خالی ہونے سے گھروں میں پانی ختم ہونے اور جون کی سخت ترین گرمی میں شہری پانی کی قلت سے بلبلا اٹھے تفصیلات کے مطابق ہارون آباد اور گردونواح میں غیر ضروری لوڈشیڈنگ نے عوام و الناس کا جینا دوبھر کر دیا ہے
موجودہ حکومت اقتدار سنبھالنے کے بعد بجلی کی اس غیر اعلانیہ لوڈ شیڈنگ پر قابو نہ پا سکی ہے جس کی وجہ سے بجلی سے وابستہ دوکاندار اور چھوٹی صنعتوں سے وابستہ افراد کے کاروبار ٹھپ ہو کر رہ گئے ہیں بجلی کی اس غیر اعلانیہ لوڈ شیڈنگ سے گھریلو زندگیاں بھی بری طرح متاثر ہیں گھروں میں پانی کی ٹینکیاں خالی ہو چکی ہے جس کی وجہ سے عوام و الناس سخت پریشانی سے دوچار ہیں شہریوں نے سٹی پریس کلب (رجسٹرڈ) ہارون آباد و ریجنل یونین آف جرنلسٹس ہارون آباد کے صحافیوں سے گفتگو کرتے ہوئے کہا
کہ پاکستان مسلم لیگ (ن) نے اقتدار میں آنے کے باوجود غریبوں کو کوئی ریلیف نہ دیا ہے بلکہ مہنگائی کی شرح میں مزید اضافہ کرکے غریب عوام کی کمر توڑ کر رکھ دی ہے اوپر سے پیٹرول، گھی، اور اشیائے خوردونوش کے ریٹ آسمان کو چھونے لگے ہیں رہی سہی کسر بجلی کی اس غیر اعلانیہ لوڈشیڈنگ نے پوری کر دی ہے جو عوام و الناس کے لئے کسی عذاب سے کم نہیں ہے بجلی کی اس غیر اعلانیہ لوڈ شیڈنگ سے ہمارے کاروبار بری طرح تباہ ہو چکے ہیں ہم پیٹرول مہنگا ہونے کی وجہ سے جنریٹر چلانے سے بھی محروم ہیں
