مردان :مرکزی تنظیم تاجران پاکستان کے صوبائی صدر اور جنرل سیکرٹری و صدرمرکزی تنظیم تاجران ضلع مردان ظاہرشاہ کا تین روزہ دورہ کراچی مکمل
مردان(شاہ باباحبیب عارف)مرکزی تنظیم تاجران پاکستان کے صوبائی صدر شرافت علی مبارک اور جنرل سیکرٹری و صدرمرکزی تنظیم تاجران ضلع مردان ظاہرشاہ خان نے کراچی کا تین روزہ دورہ مکمل کرکے واپسی کرلی تین روزہ دورہ میں آل پاکستان تاجر کنونشن میں شرکت کی جو کہ موجودہ مہنگائی،لوڈ شیڈنگ، تاجروں کودرپیش مسائل،ٹیکسزوغیرہ پر منعقد کی گئی تھی جس میں تمام پاکستان سے ذمہ دار عہدیداروں نے شرکت کی۔کنونشن کا مقصد تاجروں کو درپیش مسائل پر ایک پلیٹ فارم پر متحد کرنا ہے
کیونکہ یہ عید کے ایام ہے اور زیادہ تر کاروبارعید کے ایام میں زیادہ چلتے ہیں اور چونکہ گزشتہ دو سالوں میں کویڈ کی وجہ سے کاروباری حضرات پہلے سے ناقابل برداشت نقصان اُٹھا چکے ہیں اورمزید نقصان کے متحمل نہیں ہوسکتے اس لیے فلفور عید تک یہ فیصلہ موخر کریں اور زیادہ ترہوٹلز کا کام چونکہ شام 7:00بجے کے بعد شروع ہوتا ہے لہٰذا دو گھنٹے ہوٹل کے کاروبارکے لئے ناکافی ہے
لہذا ایسے تمام کاروبار جوکہ ان کا دورانیہ شام کے وقت زیادہ ہوتا ہے انکواستثناء دیا جائے۔ اور حکومت سے یہ بھی مطالبہ کیا گیا کہ چھوٹے کاروباروں کو بلاسود قرضے کی فراہمی یقینی بنایاجائے تاکہ ملک میں کاروباری سرگرمیاں دوبارہ سے فعال ہوں اور ملک کی معیشت کو استحکام کی طرف لے جایاجائے۔
